Јосип Пејаковиќ, еден од најпознатите босански актери, почина во Сараево. Веста за неговата смрт ја пренесе Јавната федерална телевизија, јавува Н1.
Роден е во Травник во 1948 година, каде што посетувал основно и средно образование.
Остварил повеќе од 50 премиерни улоги во Сараевскиот народен театар, филмови и десетина монодрами.
Тој е автор и на неколку монодрами и филмски сценарија.
Од 2001 до 2003 година, тој беше директор на Драмскиот оддел на Народниот театар Сараево.
Во мај 2022 година, ја објави книгата „Севдалинка“.
Добитник е на наградата „6-ти април“ на градот Сараево, наградата за животно дело и наградата на Здружението на драмски уметници на Босна и Херцеговина.