Во петокот, околу 10:30 часот, на крстосницата меѓу улиците „Народен фронт“, „Франклин Рузвелт“ и „Јуриј Гагарин“ во Скопје,
патничко возило „Хјундаи“ со скопски регистарски ознаки, управувано од 33-годишниот М.З. од Скопје, удрило во две жени, пешаци.
Како што информира МВР, во несреќата тешки телесни повреди задобила 80-годишната Д.А., додека 81-годишната С.З. се здобила со полесни повреди.
Двете повредени жени се од Скопје, а повредите им биле констатирани во Комплексот клиники „Мајка Тереза“.
На местото на настанот бил извршен увид од увидна екипа на СВР Скопје.