Македонскиот бокс е во жалост поради веста за смртта на 19-годишниот Еди Насуфи, кој загина во сообраќајна несреќа што се случила во последниве денови.
Насуфи беше редовен член на македонската боксерска репрезентација во повеќе возрасни категории и важеше за еден од најперспективните таленти во спортот.
Своите први чекори во боксот ги направи во клубот „Синди“ од Струга.
Сочувство до неговото семејство изрази и фудбалскиот клуб Струга Трим Лум, кој преку социјалните мрежи се прости од младиот спортист.
Еди Насуфи потекнуваше од струшкото село Велешта, а боксерската јавност во Македонија го гледаше како иднина на спортот.