Тешка несреќа: Се превртре автомобил – четири лица повредени
На 30.08.2025 во 13:15 часот во СВР Скопје е пријавено дека на автопатот Гоце Делчев, во насока од Свети Николе кон Скопје,
во близина на клучка Коњари, патничко возило „хонда“ со скопски регистарски ознаки, управувано од З.Н.(36) од Скопје се превртело.
Во несреќата со тешки телесни повреди се здобила малолетна сопатничка, а со телесни повреди се здобиле возачот, сопатничката С.Н.(36) и уште еден малолетен сопатник констатирани во Комплексот клиники „Мајка Тереза“.
Извршен е увид од увидна екипа од СВР Скопје.