Силен земјотрес го погоди денес Истанбул, со епицентар во Мраморното Море.
Земјотрес со јачина од 5,0 степени ги потресе зградите во најголемиот град во Турција, Истанбул, изјавија очевидци за Ројтерс и агенцијата за катастрофи во земјата, АФАД.
Некои жители истрчаа на улиците во паника. Агенцијата АФАД соопшти дека епицентарот на земјотресот бил во Мраморното Море, југозападно од Истанбул, по должината на раседната линија што долго време се сметаше за опасна за градот со околу 16 милиони луѓе.
Канцеларијата на гувернерот на Истанбул соопшти дека „досега не се пријавени штети во Истанбул“.
„Нашите тимови на терен почнаа да го пребаруваат градот. Ги молиме нашите граѓани да се држат подалеку од зградите што може да бидат оштетени и да ги следат упатствата на властите“, се вели во соопштението цитирано од Хуриет.
Citizens in Istanbul take to the streets after magnitude 5 earthquake strikes Sea of Marmara at 2:55 p.m. pic.twitter.com/RxWt1O1qwb
— Türkiye Today (@turkiyetodaycom) October 2, 2025