До среда во земјава ќе преовладува претежно облачно време со повремени локални врнежи од дожд и студени утра.
Ќе дува умерен до засилен, а долж Повардарието повремено силен ветер од северозападен правец, информираат од Управата за хидрометеоролошки работи.
Од четврток се очекува период на стабилно и суво време со постепен пораст на дневната температура.
Времето утре ќе биде променливо облачно со повремени локални врнежи од дожд. Максималната температура ќе биде во интервал од 4 до 13 степени.
Во Скопје променливо облачно со повремен локален дожд и максималната температура до 12 степени.