Обилните ноемвриски дождови не стивнуваат – напротив, дождовите продолжуваат со ист интензитет и денеска попладне, а веќе предизвикаа серија одрони на патиштата и поплавувања.
Одрони на патиштата низ Македонија се пријавени на повеќе делници, а Центарот за управување со кризи (ЦУК) и Авто мото сојузот на Македонија (АМСМ) апелираат возачите да бидат особено внимателни, затоа што нестабилните косини и натопената почва можат и понатаму да активираат свлечишта.
УХМР СО НАЈНОВА ВЕСТ
Жолто ниво за предупредување од можни поплави-состајбата со водотеците е потенцијално опасна!
Екипите на јавните претпријатија и Водостопанство Битола од раните утрински часови се на терен поради интензивните врнежи што го зафатија регионот. Со механизација и работници се интервенира на сите критични точки со цел навремено справување со можните последици од обилните дождови.
Според градоначалникот на Општина Битола, Тони Коњановски, ситуацијата засега е стабилна, а активностите ќе продолжат во текот на целиот ден. Тој нагласи дека екипите ќе останат ангажирани онолку долго колку што е потребно за да се обезбеди максимална заштита на граѓаните.
„Работиме посветено за безбедноста на граѓаните“, порача Коњановски.