Најмалку седум лица загинаа, а неколку други беа повредени во недела попладне откако два брзи возови излетаа од шините во близина на Адамуз во шпанската покраина Кордоба. Според извори од Цивилната гарда, возот Ирјо излетал од шините и удрил во воз на Алвија што се движел по соседната пруга.
Железничкиот оператор „Адиф“ објави дека возот „Ирјо“ со 300 патници на линијата Малага-Мадрид излетал од шините во 19:39 часот. Несреќата се случила на влезот во Адамуз, каде што возот преминал на соседната пруга и удрил во седмиот и осмиот вагон на возот „Алвија“, кој се движел кон Хуелва. Причините за излетувањето од шините сè уште не се познати.
Според официјални извори, две лица загинале во возот „Ирјо“, а три во возот „Алвија“. „Ренфе“ изјави дека не можеле да воспостават контакт со машиновозачот на возот „Алвија“. Подоцна шпанските медиуми излегоа со информација за најмалку седум загинати.
Градоначалникот на Адамуз, Рафаел Морено, кој беше меѓу првите што пристигнаа на местото на настанот со локалната полиција, ги опиша ужасните сцени.
„Видов патник згмечен како партал. Ние бевме првите што пристигнавме и имаше тело пресечено на половина. Но, немаше светлина, беше ноќ.“, рече Морено.
Тој додаде дека верува оти не станува збор за челен судир, „туку страничен судир“, бидејќи не ги видел предните делови на возовите згмечени.