Скопјанка вчера попладне била прегазена на скопска улица. Возачот избегал, но подоцна бил пронајден од полицијата.
– На 10.02.2026 околу 16:40 часот во СВР Скопје е пријавено дека на ул.„Његошева“ во Скопје, патничко возило „рено“ со скопски регистарски ознаки, управувано од А.С.(46) удрило во 69-годишната В.Д., по што возачот со возилото го напуштил местото на настанот.
Во несреќата со телесни повреди се здобила В.Д., констатирани во Комплексот клиники „Мајка Тереза“, информираа од МВР.
По преземени мерки, возачот е пронајден, со него бил извршен службен разговор и известен е јавен обвинител.
По целосно документирање на случајот, ќе следува соодветна пријава.