Македонската мото-заедница е во жалост по веста дека почина познатиот моторист Матко Петровиќ, меѓу пријателите и љубителите на мотори познат како „Baba“.
Информацијата брзо се прошири на социјалните мрежи, каде бројни пријатели, мотористи и познаници се простуваат од него со емотивни пораки.
Петровиќ важеше за човек кој со години беше дел од мото-културата и учествуваше на различни собири и настани поврзани со мотористите.
Многумина го опишуваат како искрен пријател, секогаш подготвен за дружење и поддршка во заедницата. Веста за неговата смрт предизвика голема тага меѓу оние кои го познаваа, а коментарите на социјалните мрежи сведочат за почитта што ја уживал меѓу мотористите.
Во овие моменти, пријателите и блиските упатуваат сочувство до семејството и најблиските на Матко Петровиќ.