Актерката открила во својот последен пост на 18 јануари дека неодамна имала итна операција за отстранување на маса од носот.
Супермоделот и актерка Анабел Скофилд починала по битка со рак на мозокот.
Веста за смртта на актерката и модел ја потврди „Холивуд Репортер“, наведувајќи дека Скофилд починала на 28 февруари во Лос Анџелес на 62-годишна возраст. Во последните месеци, таа јавно зборувала за своето здравје и за борбата со ракот на мозокот, редовно обраќајќи се до луѓето преку страницата GoFundMe што била поставена за да помогне со трошоците за нејзиното лекување.
Во својот последен пост на 18 јануари, таа открила дека неодамна имала итна операција за отстранување на маса од носот.
Борбата со болеста траела со месеци, а актерката се обидувала да остане во контакт со луѓето кои ја поддржувале.
Од велшка девојка до глобални насловни страни
Анабел Скофилд е родена на 4 септември 1963 година во Ланели, Велс. Нејзиниот татко бил филмски продуцент Џон Д. Скофилд, кој учествувал во продукцијата на бројни познати филмови, вклучувајќи ги „Џери Магваер“ и „Не може да биде подобро“.
Подоцна се преселила во Лондон, каде што започнала успешна кариера како модел.
Во текот на осумдесеттите години, таа ги красела насловните страници на стотици модни списанија, вклучувајќи ги германското и италијанското издание на Vogue.
Таа, исто така, соработувала со некои од најголемите модни и козметички брендови во светот, вклучувајќи ги Yves Saint Laurent, Versace, Rimmel и Revlon.
Рекламата за фармерки „Bugle Boy“ од крајот на осумдесеттите години е особено незаборавна. Во тоа видео, Скофилд вози спортски автомобил и ја изговара репликата што стана иконска:
„Excuse me, are those Bugle Boy jeans you’re wearing?”(Извинете, дали носите фармерки од Bugle Boy?)
