Во Велење, во Словенија, е регистрирана поплава од дождовница, додека Словенечката управа за цивилна заштита и спасување известува за силни ветрови од Словењ Градец, Жалец и Преваље. Времето би требало да се смири преку ноќ, но дожд е можен утре.
Дождот веќе пристигна во северозападниот дел на Хрватска, како и во Загреб, каде што започна поројниот дожд придружен со ветер.
За потсетување, Државниот хидрометеоролошки завод (ДХМЗ) издаде жолто временско предупредување за регионот на Загреб. На места се очекуваат посилни врнежи од дожд со грмежи, а веројатноста за грмежи е поголема од 60%.
Во Србија денеска наутро на север и запад, а во средината на денот и попладне и во другите делови, ќе биде умерено до претежно облачно, на места со дожд и локални врнежи од дожд, на места со грмежи, соопшти Републичкиот хидрометеоролошки завод.
По вистинската пролет со вистински пролетни температури кои изминативе денови ги имавме во Македонија, веќе од утрешната понеделничка ноќ кон вторник 20/21 април 2026 ни доаѓа значителна и нагла промена на временската состојба кај нас во Македонија и во поширокиот дел од Балканскиот Полуостров, најави Славчо Попоски.
Продор на значително поладен воздух од север ќе ги спушти температурите во Македонија и поширокиот Балкански Полуостров за околу па и за повеќе од 10 степени во споредба со оние температури кои ги имаме сега.