Надворешната канцеларија за криминалистички работи во Делчево поднесе кривични пријави против четири лица поради сериозни кривични дела поврзани со малолетници.
Пријави се поднесени против две лица од Делчево – родители, кои дозволиле нивните малолетни ќерки да живеат во вонбрачни заедници, како и против две лица од струмичко село.
Едно од пријавените лица се товари и за кривично дело „силување на дете кое не наполнило 15 години“.
– Надворешна канцеларија за криминалистички работи Делчево поднесе кривична пријава против О.Л.(49) од Делчево и Н.Л.(38) поради постоење основи на сомнение за сторено кривично дело „вонбрачен живот со дете“ по член 197 став 2 од КЗ, против Н.П.(27) од струмичко село за сторено кривично дело „вонбрачен живот со дете“ по член 197 став 1 и „силување на дете кое не наполнило 15 години“ по член 188 став 1 од КЗ и против О.П.(49) од струмичко село за сторено кривично дело „вонбрачен живот со дете“ по член 197 став 1 од КЗ. О.Л. и Н.Л. како родители дозволиле, во периодот од септември 2023 година нивна малолетна ќерка да живее во вонбрачна заедница со Н.П., при што таа родила и дете, а втората малолетна ќерка од март 2024 да живее во вонбрачна заедница со О.П., информираа од МВР за случајот.
Се преземаат понатамошни мерки за расчистување на случајот.