Тешка сообраќајна несреќа се случи денеска на скопската обиколница, во близина на Стајковци, каде според првичните информации се судриле повеќе возила – товарен камион, комбе пикап и патнички автомобил.
Несреќата предизвика сериозен застој во сообраќајот на овој дел од обиколницата, а на терен веднаш излегоа екипи на полицијата и итната медицинска помош.
Според сведоци кои се затекнале на местото на настанот, ударот бил силен, а сцените кои следеле биле навистина стравични.
Во моментов, надлежните институции вршат увид за да ги утврдат причините за несреќата, како и точните околности под кои дошло до судирот.
Сообраќајот се одвива отежнато и наизменично, а возачите се повикуваат на зголемена внимателност и почитување на сообраќајната сигнализација.
Засега нема официјални информации за повредени лица, но се очекуваат повеќе детали во текот на денот откако институциите ќе излезат со официјално соопштение.
Надлежните апелираат до граѓаните да избегнуваат движење по овој дел од обиколницата доколку не е неопходно, со цел да се овозможи непречена работа на службите и побрзо расчистување на местото на несреќата.