Главната причина за повлекувањето е микробиолошка контаминација.
Полската санитарна инспекција (GIS) издаде официјално предупредување до потрошувачите веднаш да престанат со користење на влажните марамчиња Bella Happy Aqua Care. Одлуката е донесена откако лабораториските анализи покажале присуство на несакани микроорганизми во производот.
Зошто марамчињата се опасни?
Главната причина за повлекувањето е микробиолошка контаминација. Тестовите откриле присуство на бактерии, а во вакви случаи најчесто станува збор за Burkholderia cepacia, иако инспекцијата предупредува на општ ризик од инфекции.
Иако кај здрави лица овие бактерии најчесто не предизвикуваат сериозни проблеми, кај бебиња и мали деца, чиј имунолошки систем сè уште се развива, како и кај лица со оштетена кожа, употребата на овие влажни марамчиња може да предизвика:
Сериозни инфекции на кожата и слузокожата
Инфекции на респираторниот систем
Компликации кај деца со хронични заболувања или ослабен имунитет
Од каде се повлекува производот?
Производот се повлекува од пазарот во Полска, каде што и е произведен од компанијата TZMO SA.
