Македонската и тетовската одбојка денес се збогуваа со Владимир Ѓорчески – Ципа, првиот капитен на одбојкарската репрезентација на Македонија.
Ѓорчески попладнево беше погребан во своето родно Тетово.
Владимир Ѓорчески во својата богата одбојкарска кариера настапуваше за Југохром, Работнички и Вардар, а интернационална кариера градеше во Барселона и Арис.
За репрезентацијата на поранешна Југославија настапи на 48 натпревари, а по независноста беше и прв капитен на Македонија, чиј дрес го носеше пет години.
Одбојкарската федерација на Македонија изразува длабоко сочувство до семејството.
Вечна слава!
