Страшна вест ја потресе Македонија. Голема трагедија во Куманово. Имено во трагична несреќа загина 13-годишно момче, фудбалер во помладите категории на ФК Куманово.
Станува збор за Аган Асани од селото Черкези, кој додека возел тротинет бил удрен од автомобил на патниот правец Куманово – Скопје по стариот пат.
Оваа вест ја сподели и неговиот тренер Исмет Зеќири на социјалните мрежи:
“Со длабока тага ја примивме веста за смртта на нашиот 13-годишен играч, Аган Асани.Неговата загуба длабоко нè погоди како клуб, оставајќи голема болка кај неговите соиграчи, тренери и целото семејство ФК Куманово.
Во ова тешко време, им изразуваме најдлабоко сочувство на семејството Асани, роднините и пријателите.
Споменот на Аган секогаш ќе остане во нашите срца.
Нека почива во мир“напиша Зеќири.