Со најновата одлука на РКЕ, малопродажните цени на нафтените деривати во просек се зголемуваат за 3,59 проценти во однос на цените утврдени на 6 јули.
Бензините ЕУРОСУПЕР БС-95 и ЕУРОСУПЕР БС-98 поскапуваат за по 1,50 денар за литар.
Дизелот поскапува за 5,50 денари, додека екстра лесното масло за домаќинство се зголемува за 4,50 денари за литар.
Новите највисоки малопродажни цени ќе изнесуваат:
- ЕУРОСУПЕР БС-95 – 87 денари за литар
- ЕУРОСУПЕР БС-98 – 89 денари за литар
- ЕУРОДИЗЕЛ – 88 денари за литар
- Екстра лесно масло за домаќинство – 86 денари за литар
- Мазут М-1 НС – 42,168 денари за килограм
Новите цени ќе почнат да се применуваат од 00:01 часот на 14 јули 2026 година. Трговците можат да ги продаваат горивата и по пониски цени од утврдените максимални износи.