Летното сметање на времето завршува во ноќта меѓу сабота и недела, на 25 октомври 2026 година, кога стрелките на часовниците ќе ги поместиме еден час назад и официјално ќе преминеме на зимско сметање на времето.
Во моментот кога часовникот ќе отчука 03:00 часот наутро, стрелките се враќаат на 02:00 часот, што значи дека таа ноќ ќе спиеме еден час подолго. Поместувањето на часовникот ќе донесе посветли утра за раните ранувачи, но и значително порано доаѓање на мракот во попладневните и вечерните часови.
Овогодишниот премин на зимско време е посебно специфичен бидејќи се случува на 25 октомври, што претставува најран термин за оваа промена уште од 2014 година. За споредба, во 2024 година часовникот се враќаше на 27 октомври, а во 2025 година на 26 октомври.
Иако со години се расправа за укинување на сезонското поместување на стрелките, Европската комисија во март 2026 година го објави официјалниот распоред за летното и зимското сметање на времето сè до 2031 година. Според тој план, во наредните години часовниците ќе се враќаат на зимско време на следниве датуми:
2027 година: 31 октомври
2028 година: 29 октомври
2029 година: 28 октомври
2030 година: 27 октомври
2031 година: 26 октомври
Објавениот календар јасно покажува дека по овогодишниот ран термин, датумот на враќање на часовникот повторно постепено ќе се поместува кон самиот крај на октомври. Во Македонија правилото останува непроменето, па сите граѓани во недела, на 25 октомври во 03:00 часот наутро ги очекува враќање на стрелките на 02:00 часот.