Родилка од Делчево починала на Клиниката за анестезија и реанимација во Скопје, по масовно крварење.
Жената на возраст од 26 години имала повреда на слезинка, која и прснала и била извадена на штипската болница, од каде била транспортирана во Скопје вчера попладне во тешка состојба.
На КАРИЛ веднаш била внесена во сала, а во еден момент настапило масовно крвавење
Директорот на штипската болница Ален Георгиејев за ТВ24 го потврдил случајот, а детали најавил за утре.
Засега не се знае од која причина настапила повредата на родилката, а единствено се знае дека за 26-годишната ова требало да биде прво породување.
Новороденчето се наоѓа на Детската Клиника во Скопје, потврди за МИА, директорката Стојка Нацева-Фуштиќ. Таа посочи дека детето е на интензивна и е на механичка вентилација.
-Родено е со низок апгард, апградот значи на раѓање страда детето, штом е со ниски витални функции на раѓање, вели Нацева-Фуштиќ за МИА.
Таа посочи дека се следи состојбата на новороденчето. Директорот штипската Болница, Ален Ѓеорѓијев по детални информации најави за утре откако ќе биде готов извештајот на интерната Комисија за контрола на квалитет и етички прашања, при Клиничка болница-Штип.