Девојката Теодора Сибинчиќ (12) од Прњавор, која го обедини целиот регион за што побрзо да собере крв за нејзино лекување, ја загуби животната битка во Белград, пишува српски инфо.
Таа пред два дена беше префрлена во Белград во придружба на лекар од УКЦ РС, каде што беше сместена во Институтот за мајки и деца.
Девојчето починало по компликации предизвикани од менингококна сепса, пренесува К3.
Според последниот извештај за здравствената состојба на девојчето, параметрите на нејзините наоди биле подобри од претходните денови.
Да потсетиме, на ова мало девојче пред неполни 10 дена му беа потребни големи количини крв, а на социјалните мрежи се проширија апели.
Целиот регион се крена на нозе да помогне и да го спаси животот на ова мало девојче.
Теодора беше позната по тоа што претходно ја донирала сопствената коса за да им помогне на оние на кои им е потребна.