Во експлозијата што се случи во фабриката „Трајал“ во Крушевац загина Никола Рашковиќ (18), а како што рекла неговата баба, тој се преселил во таа фабрика поради подобра плата, иако сите му велеле дека таму е тешко.
Драгана Рашковиќ, бабата на Никола, за Информер вели дека последен пат се слушнала со внукот утрово.
-Ми се јави да ми каже дека ќе спие кај другарот. Синоќа ми рече да му го запалам шпоретот, за да му биде топло кога ќе дојде од работа – вели потресената баба и додава:
Беше добар и вреден. Пред неколку месеци почна да работи во „Трајал“, а неодамна се пресели во тој објект.
Сите му велеа дека таму е потешко, но тој секогаш велеше дека сега таму платата е подобра. И сакаше да заработи повеќе, како и сите други – објаснува баба Драгана.
Според неа, Никола само што почнал да живее.
Неодамна го положи возачки испит, возеше автомобил и често одеше да се гледа со своите пријатели. Почина на прагот на својот живот, кога требаше да работи и да создава – вели неутешната баба.
Мајката, како што кажаа соседите, е болна, но одбива лекови за смирување.
– Постојано ги повторува истите зборови: „Не сакам да живеам без дете“ – изјави сосед на семејството.