Тешка сообраќајна несреќа се случи во Истанбул, за среќа помина без жртви.
Контејнер од камион падна врз автомобилот на кошаркарот на Анадолу Ефес, Брајант Данстон, а тој мина без посериозни повреди.
Возачот на камионот закочил откако видел дека на надвозникот под кој поминувал пишувало дека е за до висина од 4 метри.
Штом закочил, контејнерот кој го носел на приколката паднал врз автомобилот на кошаркарот Данстон, кој бил веднаш зад него.
– Минувавме под еден надвозник, се зачудив кога видов дека висината е четири метри и морав да закочам. Зад нас беше автомобил, контејнерот кој го носев падна врз него – изјавил возачот на камионот.
Данстон не заработил потешки повреди, веднаш бил однесен во најблиската болница и сега е во добра состојба.
Aracına TIR dorsesi devrilen Anadolu Efes oyuncusu Bryant Dunston yaralandı
— Halk TV (@halktvcomtr) April 29, 2023
