Претпладне времето ќе биде променливо облачно со услови за појава на краткотраен дожд, а од пладневните часови на повеќе места ќе биде нестабилно со пороен дожд, грмежи и засилен ветер.
Како што информира УХМР, наместа процесите ќе бидат поинтензивни во форма на невреме со интензивен пороен дожд, електрични празнења, силен ветер и изолирана појава на град.
Пообилни врнежи ќе има во северозападните делови од земјата. Максималната температура ќе биде во интервал од 22 до 28 степени.
Во Скопје претпладне променливо облачно, а од пладневните часови ќе биде нестабилно со пороен дожд, грмежи и засилен ветер.
Во делови од котлината ќе има услови за појава на невреме со интензивен пороен дожд, електрични празнења, засилен ветер и појава на град. Максималната температура ќе достигне до 27 степени.
На почетокот на следната седмица во попладневните часови на повеќе места ќе биде нестабилно со пороен дожд и грмежи.
Локално процесите ќе бидат поинтензивни во форма на невреме со пообилен дожд за кратко време, над 20 литри на квадратен метар, електрични празнења, силен ветер, над 60 километри на час, и изолирана појава на град.
Врнежите ќе бидат пообилни денеска во северозападните делови, а в понеделник во поголемиот дел од земјата и особено на северот.
Слично време најави и Славчо Попоски.
Добро утро почитувани! Денес од пладневните часови ЗГОЛЕМЕН РИЗИК од појава на локално НЕВРЕМЕ (Интензивен пороен дожд, дури над 20 л/м2 за кратко време, силен ветер, електрични празнења и со појава на град). Можни се нови поројни ПОПЛАВИ, па токму поради ова АПЕЛИРАМЕ да бидете КРАЈНО ПРЕТПАЗЛИВИ!
