Две лица загинаа во сообраќајна несреќа што се случи синоќа на автопатот А3 кај Нова Градишка, додека три лица се тешко повредени, јавува ПУ Бродско-Посавска.
Несреќата се случила околу 22:55 часот, на јужната коловозна лента од автопатот А3, кај Нова Градишка, а во неа учествувале камион и БМВ.
БМВ-то со француски регистарски табли го управувал 40-годишен маж од Турција. Тој додека возел не држел доволно растојание меѓу автомобилот и камионот, поради што предниот дел на БМВ се судрил со задниот дел од полуприколката на камионот со австриски регистарски таблички, соопшти полицијата.
Во оваа сообраќајна несреќа загинаа две сопатнички, 43-годишна државјанка на Турција и 19-годишна државјанка на Франција. Двајцата биле во БМВ, а неофицијално дознаваме дека се работи за мајка и ќерка.
Уште две деца од исто семејство, 18-годишно девојче и 15-годишно момче (и двајцата француски државјани) од истиот автомобил се тешко повредени. По укажаната лекарска помош од болницата во Нова Градишка, тие се пренесени на понатамошно лекување во КБЦ Осиек.
Нивниот татко, повредениот возач на БМВ, е задржан на лекување во болницата во Нова Градишка.
