Пехчевски: Денес добив повик од докторката, ме повика за терапија, но има еден проблем…

Денес добив повик од докторката што не води на Пулмологија, за да ме извести дека добила список да ме повика за терапија, за да го примам долго очекуваниот лек Трикафта кој за мене ЖИВОТ значи.

Но ми кажа дека има и еден проблем.
Апартманот кој ни е доделен на Пулмологија еден и единствен за да се хоспитализираме болните од Цистична фиброза е зафатен со некој друг пациент кој не е болен од Цистична фиброза.

Поради тоа ми понуди да бидам сместен во некоја друга соба без веце и треба да го поминам целиот долг ходник за да стигнам до вецето кај што има секакви пулмонални заболувања.

Барам да бидам содветно третиран со лекот Трикафта како сите други пациенти што го примија лекот во почетокот на 2023 година и сега тие пациенти што го примаат лекот на Детската клиника се исто над 18 години кои не припаѓаат на клиниката по возраст.

А половина од тие што го примија лекот на Детска клиника по возраст се колку мене, дури и повозрасни од мене. Уште енаш Апелирам соодветно да бидам третиран на Детската клиника без ДИСКРИМИНАЦИЈА.

Не ми нудете сместување за примање на лекот Трикафта во не соодветни и стандардизирани услови за лекување на Цистична фиброза, па со тоа да ми го загрозите МОЕТО и така КРЕВКО ЗДРАВЈЕ, напиша Игор Пехчевски на Фејсбук.

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде