Актерот Гојко Шантиќ почина на 78-годишна возраст во Белград, соопшти Југословенскиот драмски театар чиј член беше од 1968 до 2011 година.
Добитник е на многубројни награди, меѓу кои и Октомвриската награда, наградата Волк и четири годишни награди на Југословенскиот драмски театар.
Датумот и местото на погребот ќе бидат објавени подоцна.
Гојко Шантиќ дипломирал глума на Академијата за театар, филм, радио и телевизија во 1967 година.
Следната година станал член на Југословенскиот драмски театар.
