Сашка Јовановиќ (30), мајка на две деца коja исчезна пред три дена, е пронајдена мртва, дознава „Блиц“.
Како што неофицијално дознава Блиц, нејзиното тело било пронајдено покрај потокот, на 200 метри од куќата.
Оваа информација ја потврдија од ПУ Лесковац. „Го најдовме телото на жената, полицијата е на терен и врши увид“, рекоа накратко за Југмедиа во СВР Лесковац.
Причината за смртта засега не е позната.
Сашка исчезнала на 26 февруари во раните утрински часови. Тој ден тргнала на работа во 5 часот, но не се појавила, ниту се качила во автобусот што ги превезува работниците до фабриката „Јура“.
„Би сакал да побарам помош од секој кој може и сака да помогне во потрагата по сестра ми која исчезна пред 3 дена, детално да ги посети сите делови околу селото (Чекмин). Собирот на луѓе е во 10 наутро на фудбалското игралиште во село Чекмин.
Би сакал да ги замолам сите добри луѓе кои се во можност да помогнат, секоја помош е добредојдена“, напиша нејзиниот брат во Фејсбук групата „Лесковац онлајн маркет“ која има речиси 60 илјади членови.
