Пет лица, меѓу кои три мали деца, загинаа кога училишен автобус се судри со камион во Рашвил, Илиноис, соопштија државните власти.
Загинаа возачите на камионот и автобусот, како и сите три деца во автобусот, од кои едното имало пет години, а двете по три години.
Несреќата се случила на околу 370 километри југозападно од Чикаго, пренесува CBS News.
Откако автобусот удрил во камионот, двете возила се запалиле, соопшти полицијата.