Земјотрес со јачина од 6,1 степени според Рихтеровата скала го погоди денеска брегот на индонезискиот остров Јава, на длабочина од 10 километри, соопшти Агенцијата за метеорологија, клима и геофизика на Индонезија (БМКГ).
Епицентарот на земјотресот бил на 132 километри северно од Тубан во провинцијата Источна Јава, а не е издадено предупредување за цунами.
Според објавите на корисниците на социјалните мрежи, земјотресот бил силно почувствуван во Источна Јава, во нејзиниот главен град Сурабаја, како и во градовите во соседните провинции.
Засега нема информации за материјална штета или евентуални жртви.
