Девојчето Данка Илиќ (2) од Бор исчезна во вторникот во 13 часот и 45 минути во населбата Бањско поле, а како што дознава Курир од местото на настанот, полицијата го блокира приодот до викендицата каде последен пат била видена малата Данка.
Сепак, како што неофицијално дознава порталот, планот е целосно да се расчисти приодот кон ливадата, со помош на големи машини.
Машините во моментов се на терен, иако бројот на полицајци засега е значително помал.
Како што дознава Курир, полицијата добила нови информации кои дополнително ќе бидат познати.
Но, Министерството за внатрешни работи апелира да се внимава строго на известувањето за да не се загрози истрагата и работата на инволвираните лица.
-Истрагата е прекината бидејќи полицијата дојде до нови сознанија, во моментов не може да се каже за што се работи, а во најбрз можен рок МВР ќе се огласи – изјави извор за српски Курир.
Како што пренесува порталот, родителите на исчезнатата Данка повторно се во просториите на полициската станица, но засега нема информации дали тоа има врска со состојбата на терен каде во моментов се пребарува.
На местото на настанот пристигнале пожарникари и спасувачи со приколка.
Извор: Курир.рс
