Попладнево, како што и најавија метеоролозите, Скопје беше зафатено од невреме со пороен дожд, силен ветер и грмотевици.
„Поради веќе споменатиот силен и ладен Атмосферски фронт од север и од северозапад, утре попладне и навечер на повеќе места ќе има обилни врнежи од дожд,
локално ќе биде и нестабилно, особено во централните, како и во источната половина од Македонија и со обилни поројни врнежи од дожд, електрични празнења и силен ветер (над 70 км/час)
Локално овие процеси ќе бидат застапени и во форма на големо невреме со силен град и олуен ветер. Токму поради ова препорачуваме крајна внимателност.
Услови за локално невреме ќе има и во Скопскиот регион. Потоа од утрешната ноќта, а особено од четврток и од петок, па во деновите потоа следува знчително студено време (со пад на температурите дури и за повеќе од 10-15 степени во споредба со сегашните) и со повремени врнежи од дожд со променлив интензитет.
На планините и на повисоките места ќе има врнежи од снег, со што ќе се формира снежна покривка, понекаде со висина од 10 до 20 цм, може и повеќе, додека на високите планини таа би можела да биде и многу поголема.
За време на викендот, поради дополнителното заладување, снежната граница би можела да се спушти и на некои места со надморска височина од под 1000 метри, со што врнежи од снег може да се појават и во повисоките населени места и низ Македонија. За време на оваа голема промена на времето, локално ќе наврне големо количество на воден талог (над 40-50 л/м2)“, објави вчера метеорологот Славчо Попоски.
