После серијата земјотреси кои ја погодија земјата вчера, два во Валандово и еден во Скопје, тлото продолжи да се тресе и понатаму.
Вчера вечер 19 часот и 45 минути, регистриран беше уште еден земјотрес со јачина од 2,9 степени. Епицентарот на земјотресот беше во делчевско-беровскиот регион.
Според досегашните податоци со кои располага опсерваторијата, земјотресот е почувствуван од населението на Пехчево, Берово и околината, со интензитет од 3 степени според Европската макросеизмичка скала.
Претпладнево, 17.12.2024 година, во 11 часот и 41 минути Сеизмолошката опсерваторија при Природно-математичкиот факултет во Скопје,
регистрираше земјотрес чиј епицентар се наоѓа на територијата на Р. Косово, 36 km северозападно од Скопје, со Рихтерова локална магнитуда ML3.0.
Според досегашните податоци со кои располага опсерваторијата, земјотресот е почувствуван од населението во Скопје и околината, со интензитет од 3 степени според Европската макросеизмичка скала.