Пронајден е телефонот: Нови детали од потрагата по Миле од Неготино

Пронајден е телефонот на исчезнатото момче Миле Тодоров од Неготино, а семејството бара помош од институциите за негово пронаоѓање.

Мобилниот телефон вчера бил пронајден покрај реката Луда Мара, помеѓу Глишиќ и Марена, односно во близина на локацијата позната како Три багрема, објави Фокус. 

Веќе неколку дена се трага по 28-годишниот Тодоров од Неготино, кој во четвртокот околу осум часот наутро, откако дал отказ на работното место во Кавадарци, заминал во непознат правец.

Од информациите кои ги има неговото семејство, тој најверојатно пеш тргнал од Кавадарци кон Неготино и последен пат е забележан кај селото Марена околу 10.30 часот истиот ден.

Од СВР Велес потврдуваат дека исчезнатото момче се уште не е пронајдено. Во меѓувреме, семејството освен што апелира за помош од институциите, замолува и за помош од јавноста, доколку некој има било каква информација за случајот, веднаш да се јави во полиција.

Додаваат дека Миле може да биде било каде, и освен во областа каде бил пронајден неговиот мобилен телефон, потребна е опсежна потрага, затоа што можеби тој се наоѓал на некоја сосема друга локација.

ОСТАВЕТЕ ОДГОВОР

ве молиме внесете го вашиот коментар!
ве молиме внесете го вашето име овде