51 лице е повредено во судир на два автобуси во Барселона. Од нив четири лица се во критична состојба, а уште три се здобиле со тешки телесни повреди.
Еден од автобусите доаѓал од Лорет де Мар и превезувал италијански студенти кои биле во посета на главниот град на Каталонија, додека другиот автобус превезувал патници од брод за крстарење. Несреќата се случила нешто по 15:00 часот.
На местото на настанот веднаш била испратена итна помош. Службите за итни случаи прегледале вкупно 63 лица.
Се претпоставува дека до несреќата дошло кога еден автобус удрил во друг одзади, недалеку од познатата Саграда Фамилија. „Мирор“ пишува дека од силината на ударот автобусот кој превезувал патници од бродот за крстарење удрил во дрво и во столб.
Autocares Julia, компанија која управува со автобусот што превезува патници на крстаречки брод, потврди дека автобусот првенствено бил составен од британски, германски и италијански државјани. „Тие беа на брод за крстарење што пристигна во Барселона порано денеска и требаше да замине во следните неколку часа“, се вели во соопштението.
На фотографиите од местото на настанот се гледаат два автобуса опкружени со амбулантни возила, полиција и противпожарни возила.
Més imatges de l'accident de trànsit on està treballant Bombers de Barcelona pic.twitter.com/7uO8GceGOs
— Bombers080 (@bombers080) March 3, 2025
🎥 Bus crash with Italian students and cruise ship passengers leaves over 30 injured in Barcelona
— Catalan News (@catalannews) March 3, 2025
Four were critically injured in Diagonal Avenue collision between two buses
More: https://t.co/6dHB8iEQVw pic.twitter.com/dx3t5S91HX