Струга и македонскиот фудбал останаа без уште едно големо спортско име.
Почина Миле Коскоски, долгогодишен фудбалер, истакнат спортски работник и незаменлив дел од управата на ФК Караорман од Струга.
Коскоски со децении беше цврсто поврзан со клупските активности, оставајќи неизбришлива трага во развојот и одржувањето на овој препознатлив струшки спортски колектив, кој во моментов се натпреварува во Третата фудбалска лига – Југозапад.
Во фудбалските кругови и меѓу сограѓаните, тој ќе остане запаметен по својата огромна посветеност, љубов кон клубот и неизмерен придонес за спортот во регионот.
Неговото име засекогаш ќе биде запишано во историските архиви на ФК Караорман како пример за вистински спортски работник.
