Осум лица, меѓу кои и три деца, се повредени во сообраќајна несреќа што се случила на обиколницата кај селото Петријево, во близина на Смедерево.
Според информациите од полицијата, до несреќата дошло кога автомобил „Фолксваген Пасат“ започнал полукружно да се врти на патот, по што во него удрил „Опел Зафира“.
Во судирот полесни повреди добиле сите осум патници кои се наоѓале во двете возила. Тројцата малолетници кои патувале во „Опел Зафира“ биле пренесени во болница во Белград за дополнителни прегледи и следење на нивната здравствена состојба.
Полицијата го задржала возачот на „Пасат“, против кого ќе биде поднесена кривична пријава поради сомнение за загрозување на јавниот сообраќај.
Надлежните институции вршат увид за целосно утврдување на околностите под кои се случила сообраќајната несреќа.