Управата за хидрометеоролошки работи (УХМР) објави МЕТЕОАЛАРМ за среда, 5 август 2026 година, поради очекувани високи температури на целата територија на Македонија.
Според објавената мапа, целата држава е опфатена со предупредување за опасно високи дневни температури, поради што се препорачува граѓаните да бидат особено внимателни во текот на најтоплиот дел од денот.
Надлежните препорачуваат:
да се избегнува престој на отворено во периодот од 11 до 17 часот;
да се внесуваат доволно течности;
да се носи лесна и светла облека;
посебна грижа да се посвети на децата, повозрасните лица и хронично болните.
Следете ги најновите информации и препораки од УХМР и надлежните институции.
