Шеесет и тригодишна патничка се здобила со тешки телесни повреди во сообраќајна несреќа што вчера се случила во скопската населба Маџари, информира Министерството за внатрешни работи.
Според полициските информации, несреќата се случила на 2 септември 2026 година околу 19:10 часот на улицата „Благоја Стевковски“, при судир меѓу патничко возило „Шевролет“ со скопски регистарски ознаки, управувано од С.А. (60) од селото Пакошево, Општина Зелениково, и автобус „Мерцедес“ со скопски регистарски ознаки, управуван од С.Б. (38) од Скопје.
Во несреќата тешко била повредена 63-годишната С.П., која се превезувала како патничка во автобусот. Таа била пренесена во Јавната здравствена установа „Свети Наум Охридски“, каде што ѝ биле констатирани тешки телесни повреди.
Полициски екипи од СВР Скопје извршиле увид на местото на несреќата, а причините и околностите под кои дошло до судирот се предмет на понатамошна истрага.