Невреме во моментов има во западниот дел од Македонија, каде нестабилната облачна маса носи врнежи од дожд, појава на грмежи и засилен ветер.
Според УХМР, нестабилната облачност се движи во правец од запад кон исток, па во наредниот период временската нестабилност може да се прошири и кон други делови од земјата.
УХМР објави и радарска карта, на која се гледа движењето на нестабилната облачност над западните предели.
Се препорачува граѓаните во погодените подрачја да бидат внимателни, особено при престој на отворено и при патување.
