Денеска, кога православниот свет го одбележува Раѓањето на Пресвета Богородица (во народот познат како Мала Богородица), православните духовни извори и народни преданија нè потсетуваат на еден фасцинантен детаљ: овој ден не е само црковен празник, туку и вистински ден на мајките и семејната благодат.
Според старите православни верувања, кои се пренесуваат со генерации, прагот помеѓу небото и земјата денеска е особено тесен, а мајчинската молитва има неопислива, чудотворна моќ..
Историјата на празникот започнува со приказната за праведните родители на Богородица, Јоаким и Ана. Долго време тие биле бездетни, поради што во тогашното општество биле длабоко оцрнети и отфрлени.
Но, нивната неизмерна вера, трпение и искрени молитви вродиле со плод, им се родила Дева Марија, преку која подоцна дојде спасението на светот.
Затоа православните богослови и народни обичаи го сметаат овој ден за симбол на надежта која никогаш не згаснува.
Ако некој во семејството се соочува со болест, неразбирање или мака со децата, се верува дека денешниот ден е идеален за нов почеток.
Што треба да направат мајките за своите деца денес?
Во православната традиција постојат неколку свети упатства и обичаи што мајките традиционално ги извршуваат на 21 септември за да ја обезбедат заштитата на Богородица за своите најмили:
Искрена молитва за децата
На овој ден, пред иконата на Богородица, мајките палат свеќа и се молат не за материјални добра, туку за здравје, памет, смирение и заштита од секое зло за своите деца.
Се верува дека Богородица како мајка најдобро ја разбира секоја родителска грижа.
Од далечното минато постои обичај на Мала Богородица да се приготви богата трпеза и да се нахранат сиромашните, бегалците или соседите. Се верува во правилото:
„Колку повеќе даваш денеска од срце за другите деца и луѓе, толку повеќе здравје и благослов ќе се врати во твојот дом“.
Опкружување со мир и хармонија во домот
На денот на Рождеството на Богородица строго се забранувале кавгите, повишувањето на гласот и тешките домашни работи (како шиење, плетење или чистење). Православните мајки треба да се потрудат денот да помине во апсолутен мир, со мисла дека секој збор кажан денеска има тежина и ја одредува судбината на семејството во пресрет на зимата.
Умивање со „жива вода“ за здравје
Постоу и преубав обичај мајките да ги земат децата рано наутро и да ги умијат со свежа вода од извор или бунар, симболично плакнејќи ја секоја болест и слабост, со зборовите: „Како што Богородица го штити светот, така нека го заштити и ова дете“.
Празникот Мала Богородица доаѓа како потсетник за силата на трпението и безусловната љубов. Тој е тука да ни покаже дека и најдлабоките животни празнини можат да се исполнат со светлина, доколку во семејството владеат разбирање, мир и вера.
Совет за денес: Искористете го денот да се повлечете од секојдневната врева, поминете квалитетно време со вашите деца, прегрнете ги цврсто и посветете им барем една молитва за нивна среќна и мирна иднина.