Актерот и комичар Евен Мекинтош, кој го глумеше Кит Бишоп во ситкомот „The Office“, почина на 50-годишна возраст.
Неговиот пријател Ед Скот ја сподели тажната вест и се прости од него.
– Целосно сум уништен од загубата на мојот многу добар пријател Евен Мекинтош – напиша тој.
– Можеби имаше познато лице на милиони како Кит од The Office, но личноста внатре е она што најмногу ќе го паметам.
Eд Скот, извршен директор на Dodged A Bullet Music, додаде:
– Eвен беше толку полн со емпатија, добрина и интегритет и пред се навистина добар човек. „Тој им испраќа љубов на неговите родители Сара и Евен постариот, братот Колин и неговото семејство, како и на неговите многубројни пријатели и обожаватели“.
