Иако беше најавено снег само на повисоките места, утрово граѓаните во повеќе населени места се разбудија со снег.
Врнежи од снег има во Кратово, Пробиштип, Радовиш, Берово, Делчево…
Нека е аирлија, првите снегулки ги имаме и во градовите. Кратово утринава под бела покривка, напиша Попоски на Фејсбук.
Од 07:00 часот утринава, на патниот правец Кратово – Пробиштип е воведена забрана за движење на тешки моторни возила.
Забраната е резултат на обилните снежни наноси кои го отежнуваат сообраќајот и претставуваат опасност за учесниците на патот.
Надлежните служби апелираат до возачите на тешките моторни возила да го почитуваат ограничувањето и да ги следат препораките за движење по алтернативни правци додека траат активностите за расчистување на снегот и обезбедување на безбеден премин.