Управата за хидрометеоролошки работи (УХМР) информира дека според најновата радарска слика, во Кавадарци и околината е регистрирана нестабилна облачност проследена со пороен дожд, грмежи, засилен ветер и можна појава на град.
Од УХМР апелираат граѓаните да бидат внимателни, особено при движење на отворено, бидејќи временските услови можат брзо да се влошат.
Нестабилното време е дел од поширокиот бран на атмосферска нестабилност кој денес ја зафаќа земјава, а локално се очекуваат интензивни врнежи, силни електрични празнења и засилен ветер. На одделни места не е исклучена ниту појава на град.
Надлежните препорачуваат избегнување престој на отворени површини за време на невремето, како и внимателно управување со возилата поради намалената видливост и можните локални поплавувања.