Скопје вечерва го зафати силно невреме проследено со силен ветер, грмотевици и град на некои места.
Во моментов силен дожд, проследен со грмотевици и ситен град има во скопската населба Карпош, Ѓорче Петров и Кисела Вода.
„Нестабилната маса од Полошкиот регион се приближува кон западниот и северозападниот дел од Скопје. Од појави моментално има силен ветер, а се очекува наскоро и пороен дожд и грмежи“, најавија претходно од УХРМ.
Се препорачува граѓаните да не бараат засолниште од дождот под осамени дрвја.
Претходно со силно невреме беше зафатен Полошкиот регион.