Тројца пензионери ќе заработат пријави откако биле пријавени дека пукале кон дрвена мета на кејот на реката Брегалница.
„На 08.05.2026 во 10:25 часот во ОВР Делчево е пријавено дека на кеј на река Брегалница во Делчево, Н.А.(76), Ф.С.(80) и Б.П.(80), сите од Делчево,
пукале во дрвена мета со две воздушни пушки со калибар 4,5 мм, сопственост на Здружението на пензионери од Делчево, каде тие биле членови.
Според пријавеното и извршениот службен разговор со пријавените, тие во изминатиот период се спремале за пензионерски спортски натпревар кој треба да се одржи кон крајот на месец мај во Кочани“, соопшти МВР.
Метата, воздушните пушки и муницијата (дијаболи) се одземени и по целосно документирање на случајот ќе следува соодветна пријава.