Доцна синоќа се случила тешка сообраќајна несреќа во Охрид, пренесуваат локалните медиуми.
Според првичните информации, возило марка „Голф“ излетало од коловозот на булеварот „Туристичка“, влегло во пешачка зона кај Гимназијата и удрило во ограда.
Неофицијално, како што објави Шило Магазин, „голфот“ удрил двајца пешаци кои се движеле по тротоарот.
Едно лице починало на лице место, а друго е пренесено во болница со тешки повреди, додаваат од Шило Магазин.
Полицијата изврши увид, а истрагата е во тек.
Официјални информации од полицијата се очекуваат во текот на денешниот ден.